Xalq artisti bu xanəndələri tənqid etdi: “Heç kimi dinləmirəm, gərək zirvələrdə məni keçsinlər”

Xalq artisti Bilal Əliyev efirdə səsləndirdiyi iddialı fikirlərlə diqqət çəkib.

Milli.Az xəbər verir ki, sənətçi açıqlamasında digər xanəndələri dinləmədiyini etiraf edib. O, bildirib ki, kimisə dinləməsi üçün həmin ifaçının səviyyə baxımından onu üstələməsi vacibdir.

“Yalan danışa bilmərəm, xanəndələrdən heç kimi dinləmirəm. Onu dinləməyim üçün gərək o zirvələrdə məni keçsin ki, mən də ondan nəsə öyrənə bilim”, – deyə Bilal Əliyev vurğulayıb.

Onun bu sözləri sosial şəbəkələrdə geniş müzakirələrə səbəb olub. İzləyicilər arasında fərqli mövqelər səsləndirilib, bəziləri sənətçinin fikirləri ilə razılaşsa da, digərləri bunu iddialı açıqlama kimi dəyərləndirib.