Ən çox izlənən Netflix filmləri: Son illərin TOP 5 siyahısı
Dünyanın ən böyük striminq platforması olan Netflix-də milyonlarla istifadəçi hər gün film axtarışındadır. Aksiyon, dram, triller və fantastika janrında olan bəzi filmlər isə qısa müddətdə platformanın ən çox izlənənləri sırasına yüksəlib.
Onlayn.media xəbər verir ki, son illərdə Netflix-də ən çox maraq görən və geniş auditoriya tərəfindən izlənilən filmlər siyahısında aşağıdakı adlar ön plana çıxır.
Netflix-in ən populyar 5 filmi
1. Red Notice (2021)
Dwayne Johnson, Gal Gadot və Ryan Reynolds-un rol aldığı film yayımlandığı ilk həftələrdə rekord baxış sayı toplayaraq Netflix tarixinin ən çox izlənən layihələrindən birinə çevrildi. Aksiyon və yumor elementləri filmin uğurunu artırdı.
2. Don’t Look Up (2021)
Leonardo DiCaprio və Jennifer Lawrence-in baş rollarda çəkildiyi film həm satirik dili, həm də mesajı ilə geniş müzakirələrə səbəb oldu. Film qısa zamanda platformanın trend siyahısına daxil oldu.
3. The Gray Man (2022)
Ryan Gosling və Chris Evans-un qarşı-qarşıya gəldiyi bu aksiyon filmi yüksək büdcəsi və dinamik süjeti ilə Netflix-in ən çox izlənən filmləri sırasında yer aldı.
4. Bird Box (2018)
Sandra Bullock-un baş rolda oynadığı psixoloji triller yayımlandığı dövrdə sosial şəbəkələrdə viral olmuş və uzun müddət Netflix-in TOP siyahısında qalmışdı.
5. Extraction (2020)
Chris Hemsworth-un canlandırdığı muzdlu döyüşçü obrazı ilə yadda qalan film, sürətli temp və döyüş səhnələri ilə aksiyonsevərlərin favoritinə çevrildi.
Onlayn.media/Səkinə Yusifova
